Takalom-boky Fizarana fahalalana Manao fifanakalozana boky maimaimpoana nanomboka tamin'ny heritaona toy izao ny takalom-boky. "Mampiseho izay hanananay izahay ary raha toa ka tsy misy mety amin'ilay olona, dia alefanay eto amin'ny pejy "facebook" ny bokiny mba hifanakalozan'ny samy mpamaky ihany koa." hoy ny tompon'andraikitra. Tsy mifidy taona ny famakiana boky, noho izany, afaka manakalo daholo na tanora na lehibe. Ny tanjona dia ny fizarana fahalalana amin'ny alalan'ny famakiana sy fifanakalozam-boky, na koa fialamboly fotsiny, ary tsy misy sarany. Maro ny karazana boky tadiavin'ny olona (roman, BD, thriller, sns) ary ezahana hatrany ny manome fahafahampo ireo mpanjifa. Hatreto izahay dia mbola "en ligne" fotsiny ihany saingy ny fifanakalozana dia eto amin'ny faritra Analamanga ihany. Fa kosa, raha samy mpamaky dia mety raha any amin'ny faritra fa ny pejy "facebook" Takalom-boky dia "mpanelanelana" fotsiny ihany amin'ny fizarana ny boky. Ny tanjona dia ny mba hitomboan'ireo mpanjifa hatrany izany hoe ireo mpanakalo boky ary ny hifampizarana fahalalana maimaimpoana. Raha toa ka misy fanomezana (don) ihany koa dia mandray ry zareo. D.H.R.