Kanto gasy Maherisoa Rakotomalala sy ny zava-kanto Maherisoa Rakotomalala, « plasticien », manao asa momba ny zava- kanto, Ny zava- kanto aminy dia endri-panehoana iray (endrika, bika, feo, sary soratra,mozika,…)avy amin’ ny aingam- panahy ka miteraka fihetsempo na fihetsehan-tsaina na fihetsem-panahy an’ ny olona tojo azy(mpijery, mpiaino ary mpamaky) Aminy manokana tsy afaka lazaina hoe : « kanto » daholo ny sangan'asa ataony fa ny mpijery azy ihany no mamaritra azy hoe : « kanto » sa tsia. Efa nilona ela tao amin’ny sehatry ny zava-kanto izy. Nanao fampirantiana maro teto madagasikara sy tany ivelany, raha tsy hilaza afa- tsy ny fandraisany anjara tamin’ny lalao « jeux de la francophonie 2017 » sy ny fampirantiana maro tao amin’ny Is'art galerie Ampasanimalo. Ny tetik'asa manaraka dia eo am-panomanana fampirantiana, hanatsara ny tanàna amin’ ny alalan’ ny kanto an-dalambe (streetart). Ny tanjona dia mba hipaka any amin’ny malagasy ny fitiavana ny kolontsaina sy kanto gasy. Ny vina dia maniry ny hampahafantatra ny kanto malagasy manerana an’ izao tontolo izao. Ny sangan'asa sy sary ataony amin’ny ankapobeny dia mivohy izay maha-malagasy izay hatrany. D.H.R Sary : santionany amin’ny sangan’asany