Mpanakanto Natoa Rasolonjatovo (artiste peintre plasticien) Efa ho folo taona mahery i Natoa Rasolonjatovo no nilona tao anatin’ny fanaovana hosodoko ary efa matihanina. Ny « style contemporain » sy « classique » no lalaoviny. Hatramin’izay dia ny « style classique » no tena nahitana sy nahafantarana azy. Mivoy ny hakanton’ny maha-olona ireo sangan’asany. Raha hazavaina dia maneho ny hatsaran’ny maha-olona manontolo ny hosodoko ataony. Milalao ireo « scène de vie » sy ireo tranga eny amin’ny fiaraha-monina manainga fanahy azy ihany koa izy. Ireo zavatra iainany no hanaovany hosodoko. Mba hampivoaka ny sary dia mampiasa fitaovana miavaka toy ny fitaratra i Natoa Rasolonjatovo. Ny fitaratra dia maneho ny maha-olona mora simba sy levona nefa natao hamiratra sy hanana fanantenana. Aminy dia natao hanao hosodoko mihitsy izy ary fantany izany na dia mbola kely dia kely aza izy no nanomboka nanao azy io. Ny hoe : « artiste plasticien » dia mpiangaly ara-java-kanto tsy voatery mampiasa akora loko fa na akora hafa ihany koa aza dia afaka ampiasaina. Hisaorana ity mpanakanto ity nanaiky nizara tamintsika.